做左laser啦

同朋友前年講做laser
一直都冇做過

上年年頭朋友做左好成功
自己都去左做test
但醫生話我對眼太敏感
手術期間郁左會影響度數
唔建議做
最後都冇做到

到年尾, 工作量太多
雙眼乾到帶唔到con
反正做laser前都係兩星期唔帶得con
決定點都去做埋個laser佢
做唔好一世唔返工!!! (最好咁有錢唔駛做…)

我雙眼本身淚水唔夠好易發炎
成日乾到一個地步, 會好似洗頭水入眼超乸
然後就喪飆眼水出黎好似喊緊咁
所以一早睇定其他西醫, check下對眼有冇發炎
唔係到醫院做test可能要滴多一個星期類固醇
然後要再帶多一個星期眼鏡我唔想做人!! (反枱)

打定底的結果係雙眼真係冇咁敏感
醫院今次都開綠燈 (其實佢開紅燈我都會迫佢同我做)
一個星期後就係手術床上面定生死

老老實實, 做完之後D人成日話手術好快過程30-40秒攪掂
我覺得佢地只睇人生的光明面
忘記背後努力面前非常值得我地學習
因為廢柴如我
覺得個手術過程真係他.媽.的.長!!!
laser過程係40秒一隻眼it’s right, 但成個手術開始到結束最少半個鍾(!)
換手術袍, 滴藥水, 貼膠紙
(*)放固定器, 打開角膜
落laser(佢地係指呢到40秒), 關閉角膜(*)
然後到另一隻眼重覆(*)
做到第2隻眼嘅時候, 真係好想喊住離開呢個鬼地方

同埋光明教主話無感覺係扼人
當佢幫你掃平角膜個時
隻眼睇到佢做咩, 自己亦感受到個掃係到掃來掃去
感受明明超4D!!!!! (經理快d同我出黎!)(拍枱)

結果值唔值得?
手術完左後第一日
除底眼罩同保護con
視力其實未完全回復
有d似眼乾情況下帶con咁
見到7至8成野
返工之後同事P hi爆咁問我第二日係咪超爽好似重生咁
我好想同佢講小妹妹咁係因為你未帶過con就直接做laser
哥哥好想帶你見多d世面啊啊啊啊啊

一星期後嘅今日
唔駛再滴抗生素, 類固醇
夜晚唔駛帶眼罩訓
洗頭唔駛擔心水入眼
感動的感覺先開始慢慢浮現
今日有陽光, 但山腰有一層霞氣
睇住霞氣背後的樹木, 小路, 遠方的高樓大廈
突然覺得, 可以用真實嘅雙眼睇野真係好
香港…其實好靚

發表迴響